Knust rute hos gullsmed

Bildeserie:

1 av 2

I 9.40-tida sundag var politiet på plass utanfor urmakar og gullsmed Fagerthun på Osøyro.

- Vi fekk melding om ei knust rute. Det ser ikkje ut som om det har vore nokon inne i butikken, og det er førebels uvisst om noko er tatt, seier operasjonsleiar Konrad Grindeland til Midtsiden.no.

- Vi har ein patrulje på staden, men eit vaktselskap overtar og sikrar butikken, legg han til.

Dagleg leiar Wenche Synnøve Fagerthun kjente ikkje til skadeverket då Midtsiden.no tok kontakt. Men etter ein halvtime hadde ho både snakka med vaktselskap og hatt kjentfolk nedom for å sjekka butikken. Sidan ho sjølv er til fjells.

- Det har ikkje vore folk inne i butikken, og i utstillinga der ruta er knust er det berre få varer, og dei er av lågare verdi. Viss dei som har knust ruta har fått med seg noko så er det truleg berre ein pokal, seier Fagerhun.

Ruteknusinga er altså anten skadeverk eller eit uhell - eller nokon som har "stukke av med førstepremien".