Kolabakkane er stengt

Arbeidet med å lokalisera og reparera vasslekkasjen i Kolabakkane har pågått i heile natt. Måndag er vegen til bustadfeltet stengt.

Kolabakkane måndag morgon. (Foto: KVB)
Kjetil Vasby Bruarøy
Kjetil Vasby Bruarøymandag 22. feb. 2016 09:20

Bildeserie:

Kolabakkane er i dag stengt. (Kart: Os kommune)
Gravinga starta rundt midnatt. (Foto: KVB)
Maskinførar var varsam med høgspent og fiber, og lekkasjen er funnen. (Foto: KVB)
Kolabakkane er i dag stengt. (Kart: Os kommune)
Gravinga starta rundt midnatt. (Foto: KVB)
1 av 3
Gravinga starta rundt midnatt. (Foto: KVB)
Maskinførar var varsam med høgspent og fiber, og lekkasjen er funnen. (Foto: KVB)
Kolabakkane er i dag stengt. (Kart: Os kommune)

Søndag kveld oppsto det ein større vasslekkasje i Kolabakkane og vatnet til 270 bustadar blei stengt.

– Vi har fått til ei midlertidig omkopling mellom to punkt og dei fleste fekk tilbake vatnet i 2.30-tida i natt, fortel teknisk vakt i Os kommune, Torunn Paus.

Det er òg sett opp ein tappekran ved gangvegen ned til Mobergsbakken. I tillegg er det tappekran på brannstasjonen.

– Lekkasjen er funnen, men det er eit komplisert brot og det vil ta tid å få skaden reparert.

Det ligg høgspent i bakken, over vassleidningen. Teknisk vakt er glad for at prosedyrar blei følgt og at det ikkje blei straumbrot i området.

Hastestenging av veg

Mellom klokka 23 og midnatt starta gravinga. Leidningsbrotet er under den smale vegen, som blei hastestengt.

– Blei stenginga varsla så folk fekk sjanse til å få bilane på utsida av stenginga?

– Nei. Vi har nokre retningslinjer som handlar om å ikkje forstyrra folk med sms eller telefon etter klokka 22.

– Er det alternative ruter ut av nabolaget?

– Vi har salta gangvegen, som kan nyttast i krisetilfelle, men det blir ikkje anbefalt. Dei som bruker denne må vera skodd for den bratte, smale vegen, og gjer det i så fall på eige ansvar.

Nødetatane er òg varsla om forholda i Kolabakkane.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.