Kollisjon i Rødsliane

To bilar var involvert i eit trafikkuhell i Rødsliane torsdag.

– Ein bil klarte ikkje å bremsa då bilen framfor stoppa opp. Ingen personar ser ut til å vera skadd, og bilførarane fylte ut skademeldingsskjema på staden, fortel tipsar.

Uhellet skjedde nedst i Rødsliane, nær avkøyrsle mot Lønningdal og Øvredal.

Politiet har ikkje fått melding om uhellet, og reknar også med at det ikkje var personskade.

Dette var eitt av to trafikkuhell i Os i går. Ein bil køyrde utfor Lyseklostervegen, også der utan personskade.

Onsdag var det to utforkøyringar i Os, éi på Søfteland og ei på Strøno.