Lyseklostervegen stengt etter utforkøyring

– Ein bil har hamna utfor Lyseklostervegen. Politiet har stengt vegen, opplyser Vegtrafikksentralen via Twitter klokka 23.52.

Oppdatert:

Politiet fekk varsel om uhellet klokka 23.35.

– Ingen personar var skadd og ingen andre køyretøy var involvert, fortel politioverbetjent Anne Lyssand.

Bilen hadde hamna ut på eit jorde. Det var materielle skadar på bilen og på eit gjerde.

Bilførar er ei jente på under 20 år. Det er ikkje mistanke om promille. Politiet har oppretta sak, men ikkje tatt beslag i førarkort.