Kollisjon på Søfteland
Trafikken sto i nær to timar på E39 etter ein kollisjon mellom ein lastebil og personbil.
Bildeserie:
Rett etter klokka 17 måndag ettermiddag fekk nødetatane melding om eit trafikkuhell på Søfteland.
– Det er ein lastebil og ein personbil som har køyrd front mot front. Det har skjedd i høgresvingen mellom fotoboksen og Er-An, når du kjem frå byen. Trafikken står kubb her no, fortel ein Midtsiden-tipsar.
Klager over smerte i brystet
Dette blir stadfesta av politiet på Twitter.
– Køen står i begge retningar. Bilbergar er rekvirert, opplyser politiet.
Politiet fortell vidare at samtlege personar i dei involverte køyretøya har kome seg ut.
– Føraren av personbilen har vondt i brystet, opplyser politiet.
Ambulanse og brannvesen rykte saman med politiet ut på ulykka.
Klokka 17.22 opplyste politiet at førar og passasjer i personbilen blei sendt til Haukeland sjukehus i ambulanse.
Fare for at lastebilen veltar
Lastebilen, som står retning Bergen står heilt ute på vegskuldra.
– Det er fare for at den kan velte. Vegen er difor stengd, opplyser politiet.
Vegtrafikksentralen Vest opplyser klokka 17.30 at vegen er stengd og at den vil bli det i inntil ein time. Estimert tid før vegen opner igjen er mellom 30 og 60 minutt.
Manuell dirigering
Klokka 18.30 melder Vegtrafikksentralen at politiet no så smått har byrja å dirigere trafikken forbi.
– Bilberger held framleis på med berging av lastebilen. I tillegg er det eindel oljesøl som vår entreprenør må ta seg av, skriv dei på twitter.
Klokka 18.54 blei E39 opna for trafikk igjen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.