Kollisjon ved Gymnasvegen

Ein bil er påkøyrd bakfrå på Byvegen ved avkøyrsle til Gymnasvegen, opplyser politiet klokka 11.48.

Ein person har smerter i nakken.

Etter at patruljen kom til staden blir det meldt at det ikkje er behov for ambulanse.

– Samanstøyten skal ha skjedd i låg fart, opplyser politiet via Twitter.

Bilane hadde retning Os då ulykka skjedde. Den eine stoppa grunna vegarbeid på staden, den neste bilen klarte ikkje å stoppa i tide.

Begge blei køyrd til sida, inn på Gymnasvegen, så trafikken på Byvegen kunne gå vidare som normalt.

– Til saman tre personar var involvert. Begge bilførarane er edru og har førarkort, men vi opprettar sak då førar av bilen som blei påkøyrd har smerter i nakken etter kollisjonen, opplyser politiet på staden.