Lysøens Venner la i går ut to arrangement, konsert på ettermiddagen dei to første laurdagane i august.
– Konsertane er berre tilgjengelege frå båt i Lysevågen, skriv arrangørane.
Dermed er det både «drive in» og, som dei skriv i annonsen, «driv inn». For du treng ikkje køyra, du kan ro, padla eller koma rekande.
På scenen står det ulike musikarar dei to laurdagane.
5. august: Hilde Annine Hasselberg og Ingvill Holter
12. august: Trekkspill og saksofonkonsert i vågen med Astrid Jenssen Solstad og Maren Sofie Nyland Johansen
Konsertane, som varer i 45 minutt, er gratis å lytta til, men vågen kan bli full.
Derfor kan det vera ein fordel å vera ute i god tid før konsertstart, som er klokka 15 begge laurdagane.
Arrangementet blir gjennomført i samarbeid med KODE, «i Ole Bulls eventyrlystne ånd».
