Reise og turisme | 16. juli 2021

Uvanleg godt besøk på Lysøen

Mens Ole Bulls villa er stengt går den nye ferja for fullt.

Uvanleg godt besøk på Lysøen
Den nye elferja «Ole Bull» har travle dagar sjølv om villaen er stengt. (Foto: Ørjan Håland)
Kjetil Vasby Bruarøy
Kjetil Vasby Bruarøyfredag 16. juli 2021 11:17

– Vi ønskjer å få vist fram både båten og øya, dette blir eit fint tilbod i denne tida når villaen er stengd, sa direktør for KODE, Petter Snare, under dåpen av den nye passasjerbåten «Ole Bull».

Ole Bulls villa er sengt for renovasjon både i år og neste år. Gratis ferje er eit tilbod mange har nytta for å besøka turterrenget på Lysøen.

Øya har 13 kilometer med turstiar, utsiktstårn og ei grotte.

Les ògLos i Os: Lysøen

– Det har faktisk vore uvanleg godt besøk på øya til no i sommar, seier driftsleiar Roald Eliassen.

Besøkstalet har i helgene vore oppe i 600.700 gjestar.

– Men det har ikkje vore sånn at det har vore mykje kø eller hard kamp om parkeringsplass, gjestane har fordelt seg fint utover dagen.

– Kvar kjem gjestane frå?

– Eg har inntrykk av at dei fleste er kortreiste, frå for eksempel Os, Bergen og Arna. Mange av dei er besteforeldre på tur med barnebarn.

– Det ser ikkje ut som om det er så mange utlendingar enno, dei er vel færre, i tillegg vil dei gjerne helst oppleva villaen.

Elferja har erstatta taretrålaren frå 1952, som gjekk mellom Buena og Museet Lysøen frå 1977 til 2020.

Førre båt var smikkfull med 33 om bord, nye «Ole Bull» tar 48 pluss mannskap på inntil to - alle under tak. Samtidig kan du gå på dekk rundt heile hytta på katamaranen.

Allereie i juli 2020 blei den nye passasjerbåten til KODE, heilelektriske «Ole Bull»sjøsett på Måløy og same veke kom den til Lysøen.

«Ole Bull» er 15 meter (49 fot) lang og 7 meter brei.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.