Politi | 02. aug. 2021

Køyrde frå staden etter uhell i Langedalen

To kvinner kolliderte. Den eine fordufta etterpå.

Køyrde frå staden etter uhell i Langedalen
Dei hadde ein samanstøyt i eller ved Langedalen, og skulle møtast lengre nede for å skriva skademelding. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymåndag 02. aug. 2021 08:09

Søndag klokka 19.45 fekk politiet melding om eit trafikkuhell på Søfteland.

– To bilar skal ha vore borti kvarandre i eller ved Langedalen. Det var ingen personskade, men ein av bilistane køyrde berre vidare, fortel politioverbetjent Anne Lyssand.

Etter samanstøyten skal bilførarane, to kvinner, ha blitt einige om å møtast lengre nede i vegen for å fylla ut skademelding.

– Men den eine parten dukka aldri opp.

Politiet har foreløpig ikkje oppretta sak. Innringar fylte ut skademeldingsskjema åleine og tar oppfølging via forsikringsselskapet sitt.

Stor MC-gjeng prega Osbygda

Laurdag i 13.20-tida fekk politiet melding om ei stor gruppe med motorsyklistar på veg frå Halhjem ferjekai til Os, der fleire i følgjet hadde forbikøringar og køyrde på bakhjulet.

– Det skal ha vore frå 50 til 100 motorsyklar.

– Patruljen møtte dei på ein av bensinstasjonane i sentrum, men då politiet kom delte dei seg opp og køyrde vidare.

Seinare kom det melding om ufin køyring av ei større gruppe motorsyklar både i Hegglandsdalen og på Lyseklostervegen retning Fanafjellet.

– I Hegglandsdalen skal nokre av dei ha stått på setet mens dei køyrde, på Lyseklostervegen skal ein av dei ha hatt problem med å halda sida si i ein sving, og ein bil måtte bråstoppa for å unngå kollisjon.

Nokre av dei skal ha køyrd utan skilt, nokre skal ha lagt tre motorsyklar i breidda.

Patruljen fekk ingen observasjonar eller noko å laga sak av.

Akkurat nok til to prikkar

Klokka 23.10 laurdag kveld hadde politiet snittmåling av ein bil på Lyseklostervegen.

Denne blei målt til 61 km/t i ei 50-sone.

Det betyr 4050 kroner i forelegg og er akkurat nok til to prikkar på førarkortet.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.