Politi | 07. nov. 2022

Køyrde inn i feilt hol

Ein bil hamna mot køyreretninga i 100-sona gjennom Lyshorntunnelen.

Køyrde inn i feilt hol
HUSKELAPP: Venstre løp er for trafikk FRÅ Bergen, høgre er til Bergen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 07. nov. 2022 09:01

Ein bil har køyrd nordover i Lyshorntunnelen, mot Fana, i tunelløpet for trafikk retning sør mot Os, melder Vest politidistrikt klokka 09.49.

Vegtrafikksentralen oppdaga situasjonen, og tunellen blei stengt.

Politiet fekk melding om den trafikkfarlege tabben klokka 09.14.

Bilen køyrde feil veg i 4 av dei 9,3 kilometerane før den snudde inne i tunellen.

Då bilisten kom til Endelausmarka igjen, sto ein patrulje klar og vinka den til sida.

– Sak er oppretta, fortel Vest politidistrikt.

Politioverbetjent Atle Birkeland fortel at det er tatt beslag i førarkortet til bilførar, ein mann i 80-åra.

Vil du bli kjent med den nye vegen før første køyretur? Ta køyreturen på skjerm:

Les òg11 dagar til opning: Bli med på ny E39 frå Os til Fana

Dette er heller ikkje den første tabben på motorvegen som opna for ei veke sidan.

– Søndag rundt klokka 11.45 var det ein bil som først stoppa på ei havarilomme i Skogafjellstunnelen (køyrde rett veg), og då den kom ut i Svegatjørn køyrde den feil retning opp ein avkøyringsrampe.

Det er VTS som informerte om hendinga. Politiet har registreringsnummer. Det er foreløpig ikkje oppretta sak.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.