Køyrer massevaksinasjon igjen

Onsdag 29. september var siste dag med massevaksinasjon i Oshallen, etter start 27. januar.

I dei to første vekene i oktober blei det gitt ein tredje dose koronavaksine til bebuarane på Luranetunet, ein oppfriskingsdose, eller boosterdose, for å auka og forlenga effekten av dei to første.

Dette er ei anbefaling frå Folkehelseinstituttet (FHI).

Til alle som har fylt 65 år

I neste veke blir det tre dagar med massevaksinasjon igjen, både i Oshallen og i Fjord'n Senter.

Datoane er onsdag til fredag 17. til 19. november og tilbodet går til dei som er 65 år eller eldre.

Koronavaksinen er gratis, men det må bestillast time på nett eller telefon, skriv kommunen.

– Det bør vera eit intervall på minst 6 månader mellom andre og tredje koronavaksinedose.

Dei siste i denne aldersgruppa fekk første dose i slutten av april.

Det er berre Pfizer-vaksinen (Comirnaty) som er godkjent som oppfriskingsdose, og dermed den vaksinetypen som vil bli gitt.