Krangel og kollisjon etter forbikjøring

Onsdag i 22.15-tida oppsto det ein situasjon etter ei forbikjøring på E39 Byvegen retning Os.

– Førar av ein bil som blei forbikjørt reagerte på forbikjøringa og blinka med lysa. Etter å ha kjørt eit stykke stoppa begge bilane opp og dei to hadde ein diskusjon, fortel politibetjent Thomas Juulseth.

Etter krangelen rygga han som hadde kjørt forbi inn i motparten sin bil før han kjørte frå staden.

Politiet blei varsla og fekk godt signalement på førar og bil.

– Vi fann førar heime og tok beslag i førarkortet hans.

– Dei to har ganske ulike forklaringer, men det er oppretta sak på episoden, fortel Juulseth.

Begge dei involverte er menn i 30-åra frå Os.