Kulturvandring i nyvaska Fjellheim
Fjellheim er rydda og vaska. Søndag inviterer Os Sogelag til vandring i den gamle storstova.
Bildeserie:
Torsdag var representantar frå Os Sogelag, Foreningen Bevar Fjellheim og kultureininga i Fjellheim for å rydda og vaska før søndagens kulturvandring i det gamle forsamlingshuset.
– Kjenn kor godt det luktar, smiler gjengen som har skura gulv og vegger med grønnsåpe og klorin.
– Vi er veldig glade for den responsen vi fekk frå kultureininga då vi ba om å få vaska og rydda her før søndagen. Dei stilte på strak arm, skryt Tore Moberg som er ein av dei som vil leie kulturvandringa.
Nyare og gamal Fjellheim-historie
Os Sogelag har arrangert fleire kulturvandringar tidlegare, mellom anna til Gaassand kraftstasjon og til fornminnene på Søre Neset.
– No er det Fjellheim som står for tur. Det gamle og stolte bygget står framleis som eit landemerke ved innkøyringa til Osøyro og ber med seg ei lang og spennande kulturhistorie.
– På søndag frå klokka 13 vil vi ta for oss delar av den historia. Frå brannen i 1936, gjenreisinga, arkitekturen og aktiviteten som har vore i huset fram til det blei stengd i 2011, avsluttar Tore Moberg.