- Kumlokket dansa
Lynet slo ned i skogen og ei vassøyle sperra delar av Industrivegen i uvêret tysdag ettermiddag.
Bildeserie:
I 17.30-tida tysdag var det lyn og kraftig regn over Os.
- Ei vassøyle sperrar vegen og kumlokket står og dansar, skreiv ein midtsiden-lesar i ei tekstmelding til redaksjonen.
Kvinna kjørte bil i Industrivegen, og fortalte at ho måtte svinga rundt kummen nær rundkjøringa for ikkje å treffa kumlokket.
Då midtsiden.no kom til staden fossa det framleis vatn opp kummen, men lokket låg fint på plass.
Lynet slo ned
- Vi har ikkje fått melding om nokre form for problem, men er førebudd på at det kan koma, sa brannvakt Gunnar Hatlelid like før uvêret roa seg.
- Eg såg lynet slo ned i skogen på Bøkampen, men det byrja heldigvis ikkje å brenna i det tunge regnvêret, la han til.