Kva er dine SMARTe mål for 2020?

Fysioterapeut og personleg trenar (PT) Torill Bakke er fast Midtsiden-spaltist, og kjem i starten på kvar månad med gode råd innan trening og ernæring.

Å jobba etter konkrete treningsmål kan vera avgjerande både for treningsgleda og resultatet ditt. Gode treningsmål vil også hjelpa deg med å halda motivasjonen din oppe over tid. For det er klart at alle har dagar då sofaen fristar meir enn den treningsøkta som egentlig står på planen.

SMART-prinsippet er eit fint hjelpemiddel til å setja gode treningsmål.

SMART står for mål som er spesifikke, målbare, ambisiøse, realistiske og tidsbestemte.

Spesifikt.
Målet ditt må vera heilt konkret og klart definert. Sett deg eit mål som er viktig for deg, og tren spesifikt på det du vil bli god i. Kva ønskjer du å oppnå? Vil du kunna løpe 5 km samanhengande, ønskjer du å kunna ta 5 chins, eller vil du løpa halvmaraton på under to timar?

Målbart.
Du må ha eit mål som er målbart, og som du kan testa undervegs for å sjå korleis du ligg an. Dersom du har som mål å klara ti strake armhevingar, eller 80 kg i benkpress, testar du deg sjølv i starten av treningsperioden og undervegs etter ei tid med regelmessig trening. Jamleg testing gjer deg ein klar peikepinn på kor du ligg an i forhold til å nå målet ditt.

Ambisiøst.
Sett deg eit mål som som gjer at du må pusha eigne grenser. Målet ditt skal vera krevjande og gi deg utfordringar. Positive utfordringar motiverer og utviklar oss.

Realistisk.
Samtidig som målet skal vera ambisiøst, er det viktig at målet også er realistisk med tanke på ditt eige potensiale. Å setja seg for høge mål er demotiverande og lite inspirerende. Målet ditt skal absolutt utfordra deg, men det skal samtidig vera innanfor rekkevidde.

Tidsbestemt.
Eit tidsbestemt mål gjer deg framdrift, kontinutet og motivasjon i treninga di. Gje deg sjølv ein tidsfrist som er både utfordrande og realistisk, og sett gjerne opp mindre delmål undervegs. Endring tar tid, så gje kroppen den tida som trengs for å koma der du vil. Spør gjerne folk med fagkompetanse på trening kva som er mulig å få til innan gitte tidsrammer for å sikra at du setter ein oppnåelig tidsfrist.

Det er lite som slår kjensla av å klara noko du har jobba hardt og målretta for. Gode treningsmål hjelper deg å halda kontinuteten i treninga di og for kvar treningøkt du legg ned vil du stadig vera eit steg nærmare målet ditt ... å sjå treningsframgang er ein stor motivasjonsfaktor for å trena regelmessig.

Lykke til! La 2020 bli året der du tar treninga di til nye høyder. Jeg heiar på deg!

Torill Bakke
Fysioterapeut, personleg trenar, kostholdsvegleiar
@torillbakke