Kvinne med kniv køyrd i arresten

Måndag i 15-tida rykte politiet ut på melding om ei kvinne som oppførde seg sjikanerande i Os sentrum.

– Då vi undersøkte kvinna viste det seg at ho hadde på seg ein kniv utan aktverdig formål. Ho hadde òg mindre mengder cannabis på seg, fortel politioverbetjent Audun Hadler-Olsen.

Kvinna, som er i 30-åra og frå ein annan kommune enn Os, blei køyrd i arresten i Bergen.

– Det viser seg at ho har fleire uoppgjorte saker på seg frå før, og politistasjonen i sentrum vurderer å framstilla kvinna for varetekt. Ho skal i avhøyr i dag.

Møtte mann utan førarkort

På formiddagen måndag, i 11-tida, møtte politiet ein bilist dei frå før veit ikkje har lappen.

Mannen, som er i 20-åra, blei meldt for å køyra bil utan førarkort.