La seg på hjul etter to unge mc-førarar

Litt før klokka 21 onsdag kveld fekk politiet melding om fleire farlege forbikøyringar av to motorsyklar i retning nord på E39.

– Patruljen la seg på hjul, og fekk stoppa dei to ved Storestraumen, fortel politioverbetjent Anne Lyssand.

Politiet hadde ingen fartsmåling, men tok ein alvorsprat med dei to, som begge er i slutten av tenåra.

– Det blei òg oppdaga at skilta var vippa opp, og dei to fekk mangellapp.

Å vippa opp skilta (bak), så registreringsnummeret er vanskeleg for andre å lesa, er ikkje lov.