Karoline Breivik (grå Volvo) i andre NM-runde i Vikedal. (Foto: Thorbjørn Weltzin)

Låg som nummer to - mista støtfangaren

Karoline Breivik, som så vidt fekk bilen klar til andre NM-runde, var nær finaleplass.

Av: Kjetil Vasby Bruarøy

I helga som var køyrde Karolie Breivik 2. runde i NM i rallycross.

• Les òg: Hastebygging av ny motor

Løpet gjekk i Vikedal i ei helg som starta med mykje regn.

– På trening laurdag var det veldig vått, men eg er nøgd med tidene mine i innleiande rundar.

Her blei det 16., 11. og 14. tid.

– Det blei tørrare utover dagen og eg køyrde fortare og fortare. Men då ein konkurrent mista støtfangeren sin i tredje omgang mista eg samtidig min framre støtfanger.

Nær finaleplass

Søndag regna det endå meir. Treninga gjekk greit, men Karoline sleit litt med festet.

I 4. omgang låg ho likevel lenge som nummer to.

– Men så gjorde eg ein feil og hamna i autovernet. Eg mista støtfangeren igjen og kom inn som nummer tre.

Det er berre dei 14 beste som kjem til finale. I denne runden blei det berre nesten for Team Karoline.

Fleire saker