Lagde bråk på restaurant
Skal ha slått etter kokk og vore ufin med gjestar.
Laurdag i 21.30-tida blei politiet kontakta av ein restaurant i Os sentrum.
Ein gjest hadde vore både ufin og yppa til bråk, men stakk frå staden og blei stoppa av politiet i ei anna gate.
– Han hadde ikkje kjøpt noko hos oss, han berre kom inn og oppførte seg rart. Han slo også etter meg, seier innehavar til Midtsiden.
Vedkomande, ein polsk mann i 30-åra, fekk pålegg av politiet om å fjerna seg frå Os sentrum.
– Same mann dukka opp igjen rundt midnatt, og framsto som aggressiv. Han blei køyrd heim og blir meldt for å ha brote pålegget, fortel politioverbetjent Atle Birkeland.
Brå slutt på campingferien
Søndag formiddag klokka 10.45 blei ein bil med campingvogn stoppa på E39 på Søfteland.
Campingvogna blei avskilta grunna manglande EU-godkjenning. Vogna skulle vore godkjent i fjor.
Arbeidsfolk med uvisst ærend
Laurdag i 14.30-tida fekk politiet melding om to utanlandske menn som gjekk og banka på dørene i Kuvågen og Vågadalen.
– Dei var ikledd arbeidsklede, men det er uvisst kva ærend dei hadde. Patruljen møtte dei ikkje.
I 18.30-tida fekk politiet fleire meldingar om ein som gjekk berrføtt i bilvegen. Også han var vekke før patruljen kom til staden.