Politi | 18. juni 2021

Lei av hærverk, sykling og hundeskit

– Folk må gjerne bruke plassen, men dei bør rydda etter seg, og sjølvsagt ikkje øydelegga ting.

Lei av hærverk, sykling og hundeskit
Kjetil Vasby Bruarøy
Kjetil Vasby Bruarøyfredag 18. juni 2021 08:52

Torsdag i 23.20-tida fekk politiet melding om ein ungdomsgjeng som herja i Mobergsvikjo. Då dei kom fram var gjengen vekke.

I dag er det sol og duka for ein fin dag på Oseana Kafé & Restaurant, dagen etter at kulturhuset fylte 10 år.

Men restane etter gårsdagens fest krev innsats og tar på humøret.

– I dag er to bord knekte, det flyt med tomgods og kebabemballasje og alle møblane er flytta på, seier restauranteigar Anne Rita og Roald Mjelstad.

Saman med Håkon Skarding, som jobbar med teknisk drift av Oseana, stiller dei som vanleg tidleg på jobb for å rydda.

– Dette er dessverre eit gjentakande problem, spesielt i år, fortel Håkon.

Tilsette kjem for tida ein time tidlegare på jobb for å rydda. Sånn såg det ut i dag, etter ein regntung torsdagskveld. (Foto: KVB)
Tilsette kjem for tida ein time tidlegare på jobb for å rydda. Sånn såg det ut i dag, etter ein regntung torsdagskveld. (Foto: KVB)

Han og Roald har blant anna vore med på å henta 26 av restauranten sine 38 stolar frå solplattingen, rydda to fulle bossekkar med tomgods, badehandkle, pizzaesker og truser.

– Vi har ikkje noko imot at folk sit her når restuaranten er stengt, men det minste vi bør kunna venta er at dei ryddar etter seg. At dei i tillegg gjer så mykje hærverk er overraskande og skuffande.

Dette er tredje gong i år at bord er knekte. Eit nytt informasjonsskilt i metall har også vore knekt i bakken, ein informasjonsbukk med opningstider ligg på botnen utanfor gjestebrygga.

Kelner svidd etter møte med ivrig syklist

Anne Rita fortel at dei også opplever dårlege haldningar og tankalaus åtferd på dagtid.

– Vi kan ha full uterestaurant, og likevel oppleva at folk kjem forbi på sparkehjul og sykkel. Det er greit at dette er ein gangveg vidare til Mobergsvikjo, men dei vel altså å sykla gjennom ein restaurant.

– Den eine kelnaren vår fekk forbrent arm då han kom med serveringsbrett og møtte ein som sykla over terrassen mens vi hadde mykje gjestar her.

Den eine morgonen var 26 av restauranten sine stolar plasserte på solplattingen. (Arkivfoto: KVB)
Den eine morgonen var 26 av restauranten sine stolar plasserte på solplattingen. (Arkivfoto: KVB)

Ho har sjølv krasja med ein på sparkehjul. Han køyrde berre vidare i høg fart.

– Gjentatte gongar finn vi også hundeskit langs veggane.

– Det er fleire som bør skjerpa seg, men det er verst med desse som rotar så mykje, og som utfører hærverk.

Vil sjekka kamera - oppmodar ungdom å melda seg

Politiet er varsla om hærverket. Kva som blir resultatet, kan vera opp til ungdomen som var der i dag.

– Eg synest dei kan melda seg og seia unnskyld, seier Roald.

Rot og hærverk morgon etter morgon på Oseana og Mobergsvikjo. (Foto: KVB)
Rot og hærverk morgon etter morgon på Oseana og Mobergsvikjo. (Foto: KVB)

– Det må jo vera nokre foreldre som veit om ungdomen var her i går, som kan hjelpa oss med ei haldningsendring og ein dialog med dei som bruker plassen på kveldstid.

Griegsamlinga er kameraovervaka. Dei vil no gå gjennom opptaka for å sjå om folk på utsida kan identifiserast.

– Vi vil også sjekka kva sjanse vi har å overvaka uterestauranten via kamera frå innsida, for dette vil vi ha slutt på.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.