Lei av å venta

I mai 2011 starta kommunen handhevinga av parkeringsbestemmelsane i Os sentrum. Den gong lovde kommunen dei næringsdrivande i sentrum at det skulle koma informasjonsskilt som forklarte tilreisande korleis å parkera lovleg.

- Parkeringa fungerer bra den no, men vi opplever stadig kunder som får bøter fordi dei ikkje har forstått korleis parkeringsbestemmelsane blir praktisert, forklarar Paul Hans Sælen i sentrumsforeninga.

Blei provosert

Saman med dagleg leiar i Os Sentrum, Geir Amundsen, tok han fredag runden på Osøyro og hengte opp laminerte informasjonsskriv om korleis gjestar i sentrum skal forholda seg til parkeringsreglane.

- Vi var i eit møte med kommunen for to månadar sidan. Då diskuterte vi teksten på skilta og blei lovd at i løpet av ein månad stid skulle dei vera på plass.

- Når vi no nyleg var på møte med dei igjen var ikkje saka komen eitt steg vidare. Då blei eg så provosert at eg sa til Geir at no gjer vi det sjølv.

Vil ønskja tilreisande velkomen

Geir Amundsen forklarer at dei no går inn i ein sesong med mange tilreisande og hyttefolk som besøker Os.

- Vi ønskjer at dei skal få ei god oppleving på Os, og då er det viktig at dei får god og riktig informasjon slik at dei slepp bot grunna uvisse.

- Vi veit at dette er sjølvtekt, men det er betre at kundane får god informasjon enn at dei ikkje kjem tilbake grunna ei unødvendig bot, avsluttar Amundsen.