Leia 3-0 etter 30 minutt

Lysekloster spelte borte mot Brodd laurdag ettermiddag, og tok sin femte siger på rad.

Gjestane gjekk i føringa etter 4 minutt, etter 30 minutt sto det 0-3.

Brodd - Lysekloster 2-5 (1-3)
Målskårarar, Lysekloster: 0-1 Mats Walberg, 0-2 Monir Benmoussa, 0-3 Vladan Radojkic, 1-4 Willy Zamble, 2-5 Vladan Radojkic.
Tropp og kampfakta på fotball.no

11 minutt ut i 2. omgang auka Lysekloster leiinga til 1-4.

Ti minutt seinare reduserte vertane, men toppskårar Radojkic sette sitt andre for dagen og er no oppe i 16 mål denne sesongen.

– Det blei komfortabelt nesten heile kampen, med to tidlege skåringar og full kontroll til oss i nesten heile kampen, seier Lysekloster-trenar Ruben Hetlevik.

– Men Brodd har ingenting å spela for, og i periodar blei det tydeleg at dei brukte kampen som ei treningsøkt, rett og slett til å øva på ting. Dette var vår siste langreise til bortekamp, og kampen blei litt merkeleg i periodar, så det var godt å få den overstått med full pott og fem mål nok ein gong.

Toppkamp neste helg

Lysekloster ligg no a-poeng med Sotra før Sotra har spelt 21. runde. Den går mot Brann 2 måndag kveld. Dermed toppar uansett Lysekloster, som har 2 mål betre målforskjell, tabellen gjennom helga.

Lysekloster sin neste kamp går heime mot nettopp Sotra laurdag om ei veke (frå kl 16).