Leita i fire timar

I 23-tida laurdag fekk politiet melding om at det var funnen ein grå Zodiak gummibåt med 5 hk påhengsmotor på rek i Lysefjorden, nordvest for Lysøya.

- Meldar hadde ikkje registrert andre båtar eller folk i nærleiken. Dei hadde heller ikkje høyrt roping eller liknande. Likevel rykte politibåt og ei redningsskøyte ut for å gjera søk i området, seier operasjonsleiar i Hordaland politidistrikt, Terje Hilland.

Det var gode søkeforhold med stille sjø og fint vêr.

- Klokka tre i natt bestemte søkemannskapet seg for å slutta av. Då hadde dei gjort søk i eit ganske stort område, og verken gjort funn eller fått melding om sakna, seier Hilland.

Heller ikkje i etterkant av at søket blei avslutta har det kome inn meldingar som har med gummibåten å gjera.