Fotball | 16. sep. 2022

Linnea matchvinnar då Norge slo Sverige

Linnea Sælen skåra viktig mål før Sverige reduserte.

Linnea matchvinnar då Norge slo Sverige
Dagens startellevar mot Sverige. Linnea Sælen på nedre rekke med nr 13. (Foto: NFF/Karin Larsen)
Kjetil Vasby Bruarøy
Kjetil Vasby Bruarøyfredag 16. sep. 2022 13:09

Arna-Bjørnar-spelar Linnea Sælen spelte i dag sin tiande kamp for jenter 16-landslaget.

Kampen, som er del av ope nordisk meisterskap, gjekk heime mot Sverige.

Linnea spelte frå start og 83 av 90 minutt.

Ida Emilie Heggem Warvik sendte Norge i 1-0-leiing i 53. minutt etter å havunne ballen frå forsvaret som snappa eit innlegg frå Sælen.

Fem minutt seinare var det Linnea sin tur.

Linnea har spelt to landskampar på heimebane denne veka. (Foto: Privat)
Linnea har spelt to landskampar på heimebane denne veka. (Foto: Privat)

Norge storma i angrep og søftelendingen storma oppover venstrevingen, fekk ei fin langpasning av Warvik og fyrte av rett innanfor 16-meteren.

2-0 i 58.minutt!

Sverige reduserte til 2-1 i 80. minutt, ei stilling som sto seg kampen ut.

Linnea spelte også mot Danmark måndag.

Ho kom innpå i 56. minutt, og fann nettmaskene også i denne kampen.

Men skåringa blei annulert for offside, ei avgjerd som på video ikkje er lett å seia om var korrekt eller ikkje.

Kampen mot Danmark enda 1-1.

Dette var dei siste landskampane før EM-kvalifiseringa i oktober.

Då går turen til Ungarn, der Norge skal møta vertslandet, Tsjekkia og Bosnia-Hercegovina.

Mens Linnea ventar i spenning på uttaket, står den norsk Toppserien for tur.

Neste kamp går borte mot LSK Kvinner søndag.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.