Lot seg ikkje stoppe

Onsdag skreiv vi om det frekke tjuveriet frå Os Turlag sitt utstyrsdepot på Tøsdalsfjellet. Uvedkommande hadde stole det som var av skruar i depotet.

Men den ivrige dugnadsgjengen i turlaget, som gjer det enklare og betre for deg og meg å ferdast i den vakre Os-naturen lot seg ikkje knekka av litt motgang.

– Nye skruvar blei innkjøpt og fordelt i sekkane til dei åtte ustoppelege pensjonistane som stilte på Tøsdal i dag, skriv turlaget på facebooksida si.

– Det var tungt å komme seg opp til Linken, men alle klarte det i dag også. Vidare innover gjekk det lettere og vi gjekk lystig igang med bygging av trapp og broer over blautmyrene. Litt styggsnakk om den/dei som hadde stole skruane våre måtte til, men ellers var stemningen på topp og vi blei nesten ferdige på det inste området, heiter det i rapporten.

Den ivrige dugnadsgjengen satser på at vêrgudane er med dei neste veke òg. Då skal det bli mykje gjort oppe på Tøsdalsfjellet lovar dei.