Bildeserie:
Damelaget til Os tok i dag imot Stryn til 8. serierunde.
Heimelaget fekk ein tøff start, låg under 0-4, leia 6-5, hamna under 7-11 og utlikna til pause.
Også i andre omgang skåra gjestane først, men frå 14-14 skåra Os 11 mens Stryn skåra 2 mål.
Os - Stryn 27-20 (11-11)
Målskårarar, Os: Elise Hjelle 6, Tonje Hjertnes 5, Malin Hjelle Berentsen 5, Hilde Kristine Røttingen 4, Marte Øvreeide 2, Vilde Brattabø 2, Malin Lunde Fosen, Mona Stigen og Caroline Cook Fjellanger.
2. min: Stryn 1 og Os 1 (Caroline Cook Fjellanger).
– Vi blei for utålmodige i angrep i første omgang. I andre omgang blei vi endå betre i forsvar samtidig som vi blei meir disiplinerte framover.
– I tillegg framsto vi som betre trent siste del av kampen, seier trenar Gitte Torp, med ei noko overraska mine.
Os starta praktisk talt oppkjøringa ved sesongstart, men ser no ut til å vera i storslag.
Best og verst frå 7-meteren
Malin Hjelle Berentsen skåra kampens første Os-mål og Elise Hjelle blei sørgja for at gapet ikkje blei for stort med tre skåringar frå 7-meter av tre moglege i første omgang.
Stryn fekk to straffar, begge i andre omgang, den eine skaut dei over, den andre redda Vibeke Ingebrigtsen. Vibeke var god for start og blei betre og betre utover i kampen. I 2. omgang sørgja ho og eit godt forsvarsarbeid for at det blei fleire kontringar og sjansar på kontring.
På stillinga 23-16 kunne Os knust til og tatt ein tosifra siger, men missa på fem kontringar på rad. Det gjekk nesten 9 minutt å auka til 25-16.
Turbo-Tonje
Mens Malin og Elise sto for mykje av innhentinga i starten på kampen var Tonje, som kom innpå mot slutten av første omgang, meir sentral rett før og etter pause.
Då Os gjekk frå 8-11 til 13-13 skåra Tonje 4 av 6 mål, mens Malin skåra dei 2 andre.
Bra comeback av Brattabø
Vilde Brattabø, som skadde seg i september 2013, spelte i dag sin første kamp med 2. divisjonslaget.
Ho kom rett innpå mot slutten av 2. omgang og sette inn 2 mål og hadde 3 målgjevande pasningar.
– Det var veldig kjekt å sjå, og kjekt for ho å koma tilbake på denne måten, seier Gitte, nøgd med snuoperasjonane og tredje siger på rad.
Sigeren smakte nok ekstra godt, for i kveld skal spelarane ha fest med laget.
Os speler neste kamp på bortebane mot botnlaget NHHI om ei veke.