Måler kor sterk brua må bli

Bildeserie:

1 av 4

Planarbeidet med ferjefri E39 held fram for fullt og denne veka blir avansert og skreddarsydd utstyr lagt ut for å måla bølgjer, straum, vind og saltinnhald i Bjørnafjorden.

– Desse er merkt som oppdrettsanlegg, med tilsvarande reglar for ferdsel og fiske i nærleiken.

– Hald avstand, oppmodar ingeniør Stian Moe Johannesen frå prosjektgruppa i Statens vegvesen som jobbar med fjordkryssing.

Bøyane skal i utgangspunktet ligga ute i to år, men denne perioden kan bli utvida med yttarlegare inntil tre år.

Frå New Zealand til Bjørnafjorden

Bøyane stikk fem meter opp og har, i tillegg til overflatemåling, ein sensor hengande i nylontau 50 meter under havskorpa. Bøyane er forankra i 12 tonn tunge betongfylte hjullastardekk.

– Det er dyrt og avansert utstyr. Bøyane er produserte i New Zealand og blei frakta til England med båt og vidare til Eidesvik med lastebil.

Eidesvik sin båt MS Bømmelbas held denne veka på med å plassera ut bøyane. Då Midtsiden var på fjorden i går heldt dei på å plassera ut bøye nummer tre.

Sender data kontinuerleg

Registreringane frå målarane lagrar data lokalt, men sender i tillegg data over nettet til ein server.

– Vi får inn opplysingar kontinuerleg, seier Moe Johannesen.

– Kva data er du mest spent på å få inn?

– Det er fleire faktorar som er interessante. Vi har gjort oss opp nokre meiningar om Bjørnafjorden, no får vi sjå om desse blir verifisert.

– Brua skal uansett byggast for ekstremvêr.