Klokka 07.20 onsdag morgon fekk politiet melding om ei trafikkulykke på Hatvikvegen.
Ein bil skal ha køyrd på ein fotgjengar i eit overgangsfelt. Det er ikkje oppgitt kvar på Hatvikvegen uhellet skjedde.
Fotgjengaren er ein mann i 20-åra.
– Mannen er vaken og bevisst, og blei tatt med til legevakta av folk på staden, opplyser operasjonsleiar i Vest politidistrikt, Knut Dahl-Michelsen.
Operasjonsleiar fortel at det blir sendt ut ein patrulje for å undersøka.
Rett før klokka 08 blei det opplyst at det er ingen trafikale problemer på staden, og at begge dei involverte personane er på legevakta.
Politiet har vore i kontakt med både førar av bilen, ein mann i 60-åra, og fotgjengaren.
– Mannen i 20-åra framstår uskadd.
Det er foreløpig ikkje opplyst om eventuelle reaksjonar ovanfor bilførar.
