Mann tatt i Catten-saka

Natt til fredag 2. juledag blei ein mann slått bevisslaus og utsett for fleire slag og spark av minst to gjerningsmenn mens han låg på dansegolvet på nattklubben Catten.

Politiet har mottatt tips frå få vitne, og etterlyser fleire, men har hatt nok informasjon til å pågripa éin av dei mistenkte.

Les òg: – Eg blei slått fordi eg er homofil

– Eg kan stadfesta at fornærma har meldt dette som hatkriminalitet og at vi har pågripe og sikta éin person, fortel politiførstebetjent Kenneth Rastad.

Vedkomande er ein mann i 20-åra. Han er norsk, men er ikkje opprinneleg frå Os.

– Han har sete i avhøyr i fleire timar i dag, men Rastad vil ikkje kommentera noko om innhaldet i avhøyret eller korleis sikta stiller seg til mistanken.

– Kan det bli fleire pågripingar i saka?

– Det vil eg heller ikkje kommentera. Men etterforskinga kjem til å halda fram for fullt utover måndagen.

Politijuristen i saka har funne bevisa som tilstrekkelege til at sikta blir halden fengsla til i morgon.