Marknaden i Os: Oktober

«Marknaden i Os» er ei ny, fast spalte på Midtsiden, skriven av eigedomsmeklarfullmektig Espen Hjertholm. Hjertholm presenterer offisielle salstal for førre månad, ser bak tala, og fortel samtidig om status i månaden som kjem.

• Sjå liste: Kven kjøpte og selte eigedom i oktober?

I oktober 2017 blei det selt i alt 24 bustadar i Os. Dette er 18 færre enn i september og 39 færre enn i oktober 2016.

Av eigedomane som blei selt i oktober er berre 3 av dei prosjekt, resten er brukte hus.

Mens prisane går ned i Bergen sentrum, held dei seg betre i Os.

Eigedomssal og snittprisar i Os i oktober 2017

Einebustad:
11 sal
Snittpris kr 4 363 636,-
Snittpris kvm: 25 945,-
*Omsetnadshastigheit: 114 d

Tomannsbustad:
7 sal
Snittpris kr 3 335 714,-
Snittpris kvm: 28 718,-
Omsetnadshastigheit: 39 d

Leilegheit:
4 sal
Snittpris kr 2 818 250,-
Snittpris kvm: 35 355,-
Omsetnadshastigheit: 40 d

Rekkjehus:
2 sal
Snittpris kr 2 780 000,-
Snittpris kvm: 24 404,-
Omsetnadshastigheit: 47 d

TOTALT
24 sal
Snittpris kr 3 324 400,-
Snittpris kvm: 28 606,-
Omsetnadshastigheit: 67 d

Tilsvarande tal for oktober 2016:
Snittpris sal: 3 156 353,-
Snittpris kvm: 30 805,-
Omsetnadshastigheit: 33 d
Totalt 63 sal.

Det vart selt ein god del prosjekterte leilegheiter i oktober 2016, noko som var med på å dra opp volumet. Snittprisen på selte bustadar har gått opp frå oktober i fjor, medan snitt kvadratmeterpris har gått ned.

Omsetnadshastigheita har dobla seg frå oktober 2016. Den største grunnen til dette er at to av einebustadane som blei selt har lagt svært lenge i marknaden før det no blei sal.

Statistikk siste 12, 6 og 3 månadar

Siste 12 mnd:
441 sal
Snittpris: 3 188 664,-
Snittpris kvm: 29 755,-
Omsetnadshastigheit: 55 d

Siste 6 mnd:
206 sal
Snittpris: 3 172 845,-
Snittpris kvm: 30 360,-
Omsetnadshastigheit: 54 d

Siste 3 mnd:
95 sal
Snittpris: 3 198 337,-
Snittpris kvm: 30 207,-
Omsetnadshastigheit: 64 d

* Omsetnadshastigheita er rekna ut frå bustadar som er selt i det offentlige markedet, ikkje prosjekterte bustadar, private sal eller heimelsoverføringar.

Tala viser at prisane gjekk noko ned for eit halvt år sidan, men opp igjen dei siste 3 månadane.

Som du kan sjå ut av statistikken dei siste 3 månadane er omsetnadshastigheita uvanleg høg, og det er fleire bustadar som vart selt under prisantydning. I tillegg er det selt i snitt rundt 32 bustadar i månaden dei siste 3 månadane, mot cirka 37 dei siste 12 månadane.

Sal vs. prisantydning dei siste 3 månadane:
• 48 % under prisantydning
• 18 % lik prisantydning
• 33 % over prisantydning

Marknaden i dag

I skrivande stund ligg det, i Os kommune, 23 einebustadar, 20 tomanssbustadar, 8 rekkjehus, 43 leilegheiter, 1 gårdsbruk/småbruk og 1 produksjon/industri for sal i til saman 70 annonsar. Marknaden kan oppfattast som treg, men å prisa bustadane rett er viktig for god flyt i marknaden.

Alle kan vera einige om at prisutviklinga har vore god over lang tid, men tala tydar på at marknaden nærmar seg ein meir moderat prisvekst.

Verdt å merka seg er at det er nokre færre bustadar for sal på Nore Neset enn normalt. Her har omsetnadstida vore kort i fleire år, og skal du selja i dette området kan tida no vera god.

Kjelder: Eiendomsverdi.no og Finn.no