MC kolliderte med bergingsbil

Søndag i 19.30-tida var det ei trafikkulykke i Rødsliane.

– Ein motorsykkel kolliderte med ein bergingsbil, opplyser politibetjent Sindre Hallem.

Motorsykkelen velta, men ingen blei skadd i uhellet.

– Årsaka skal rett og slett ha vore at det er smalt der dei møttest, og dei to køyretøya kom borti kvarandre.

Partane blei einige med politiet om at dei sjølv ordna opp på staden, og det blei ikkje behov for utrykking. Det var heller ikkje trafikale problem på staden.