MC-ulykke i Os sentrum

I 23-tida i går kveld fall ein MC-passasjer av ein MC i Os sentrum. Både førar og passasjer er i alderen mellom 15 og 18år.

– Vi rykka sjølvsagt ut på dette og tok avhøyr av både førar og vitnar på staden. Personen som fall av vart sjekka på Os legevakt og det er uvisst kva skadeomfanget er, men det skal ikkje vera noko kritisk, fortel politibetjent Martin Nordeide.

– Det skal ikkje vera snakk om noko høg fart og ingen andre kjøretøy skal ha vore involvert. Vi opprettar sak på denne hendinga i løpet av dagen og føraren sitt førarkort er førebels tatt i beslag, avsluttar Nordeide.