MC-velt i Ulvenvegen – førarkortbeslag i 100-sona
UP fann to ting å reagera på i Lyshorntunnelen. På ettermiddagen fekk politiet melding om eit uhell.
Tysdag morgon hadde utrykningspolitiet kontroll i Lyshorntunnelen.
– Ein bilist i 20-åra fekk tre prikkar grunna høg fart. Han hadde ein del prikkar frå før, så det blei førarkortbeslag i går, opplyser politioverbetjent Atle Birkeland.
Ein annan førar som blei kontrollert av UP mangla førarkort.
– Vedkomande, ein mann i 50-åra, blir naturlegvis meldt for dette.
Tysdag litt før klokka 16.30 fekkpolitiet melding om eit trafikkuhell i Ulvenvegen.
– Ein lett MC hadde sklidd og velta i ei rundkøyring.
Tysdag kveld sto det ein lett MC parkert ved rundkøyringa som tidlegare har vore eit problemområde òg for bilistar.
– Førar er ung. Vedkomande hadde halde låg fart, men sklidd likevel. Sett vekk frå eit vondt kne så har førar ingen skade.
Det blei ikkje oppretta sak frå politiet si side.
