Med besto på fest

Med Luciadagen på ein tysdag blei det ei fin anledning for elevane ved Lysekloster skule å slå saman Luciafeiringa med den tradisjonelle besteforeldrefesten.

- Besteforeldrefesten har vi alltid på ein tysdag. At den no fell saman med Luciafeiringa gjev det berre ein ekstra spiss, fortel rektor Ole Lars Strønen.

For 20. gangen

Tradisjonen med å invitera til fest for besteforeldra er ein lang tradisjon for elevane ved skulen.

- Eg er ikkje sikker på kva nummer i rekkja vi har kome til, men vi har nok halde på i omlag 20 år. Onsdag og Torsdag blir det foreldra sin tur til å få sjå delar av den nesten halvannan time lange framsyninga.

- Onsdag er det foreldra for 5.-7. klasse sin tur medan 1.-4. klasseforeldra kjem på torsdag, fortel Strønen.

Høgtidsdag

Den årvisse framsyninga gler skulen og elevane seg til like mykje kvart år.

- Dette er ein høgtidsdag for oss, smilar rektor

- Det er kjekt å sjå den tryggleiken ungane får gjennom øvingane før dei skal på scena. For nokre er det den meist naturlege ting i verda, medan andre utfordrar seg sjølv litt meir.

Kombinerar fag

I gymsalen på skulen var det dekka til med kvite dukar og langbord.

- Det er 6. klassingane som er vertsskap.

- Som ein del av heimkunnskapen har dei ansvaret for servering, kaffikoking og baking av godsakene som serverast, avsluttar Strønen.

Sjå klipp frå alle klassetrinna sine underhaldningsinnslag i videoen nedanfor (6.17, Foto: Andris Hamre)