Med narkotika i bil

Politiet hadde rigga seg til med trafikkontroll på Hatvik, men måtte avbryta og rykka ut på mistanke om kjøring i rusa tilstand. Politiet har også fått melding om funn av gummibåt.

Av: Kjetil Vasby Bruarøy

Onsdag hadde politiet trafikkontroll på Søfteland. 40 bilar blei kontrollerte og alle brukte bilbelte og hadde dokument i orden.

- Nokre av dei fekk muntleg pålegg etter feil bruk av, eller manglande lys, seier politioverbetjent Terje Sperrevik.

Torsdag rigga politiet seg opp med nok ein trafikkontroll, denne gong på Hatvikvegen. Men her blei dei ikkje ståande lenge.

- Vi fekk melding om mistanke om kjøring i rusa tilstand, og rykte ut til ein mann som nyleg hadde sove i ein bil på Uno X. Bilen kjørte i retning Bergen då vi stoppa den.

I bilen fann politiet både amfetamin og GHB. Mannen, som er i slutten av 20-åra, blei tatt med til avhøyr. Politiet ransaka også bustaden hans, men utan å finna noko der. Det var ikkje nokre teikn på at han kjørte i rusa tilstand.

Fann gummibåt
På Lepsøy er det funne ein liten, grå gummibåt på rek. Båten er på rundt 8 fot og hadde ikkje motor.

- Dei som fann den har tatt vare på den. Om du saknar ein båt kan du ta kontakt med lensmannskontoret, seier Sperrevik.

Tips midtsiden.no

Kjetil Vasby Bruarøy + 47 90 78 92 70
Andris Hamre +47 47 90 61 11