Vêret i Os | 15. mars 2023

Melder kraftig vind og mykje nedbør

Skal ta seg opp utover torsdagen.

Melder kraftig vind og mykje nedbør
Stille hamn og tett snøvêr i Os hamn i går kveld. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 15. mars 2023 14:00

Det er venta eit lågtrykksfelt inn over Sør-Norge. I Agder og Telemark er det oransje farevarsel med venta «omfattande ustabile forhold» i form av kraftige vindkast og store snømengder.

I Os er det meldt liten kuling på det kraftigaste og gult farevarsel grunna store nedbørsmengder.

Vinden skal auka frå 5 m/s på morgonen torsdag til oppunder 11 m/s på det kraftigaste torsdag i 16-17-tida. Vinden skal koma frå søraust.

Det skal også blåsa friskt i periodar fredag, men løya utover fredag ettermiddag.

I dag er det nærmast skyfritt over Os, frå rundt lunsj torsdag er det venta nedbør samanhengande til laurdag morgon.

Temperaturen er venta å ligga på 3-4 plussgradar torsdag ettermiddag, men skal auka til 6-7 fredag og laurdag. Det betyr at mykje av snøen som har kome dei siste dagane, i går og i helga, blir vaska vekk.

I fjellet kjem den, i alle fall i første periode, som snø. Eikedalen fekk 40 cm nysnø frå laurdag til tysdag og nye 10 cm i natt.

Har du planar utandørs til helga? Laurdag er det meldt 5-6 gradar og sol frå 07 til 19. Yr og Storm er usamde om søndagen blir tørr eller ikkje.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.