... men teststasjonane er opne

I førre veke fortalte Bjørnafjorden kommune at fredag 22. oktober blei siste dag med eigen legevakt for folk med luftvegssymptom, altså «koronalegevakta».

– Fleire har oppfatta dette som at teststasjonane også er stengte, men det stemmer slettes ikkje, seier kommunikasjonsrådgjevar Ragnhild Stende Bjaadal.

Begge teststasjonane, Kolskogen og Eikelandsosen, er opne som vanleg.

I førre veke (veke 42) var det 140 som testa seg, veka før (haustferien) var det 100.

– Det er viktig at folk testar seg ved symptom, anten ved teststasjonane eller med heimetest. Heimetest kan innbyggarane få utdelt gratis på teststasjonane og ved alle legekontor i opningstida.

Les ògKorleis kan du veta om du er forkjøla eller har covid-19?

Kommunen har denne informasjonssida for både heimetest/hurtigtest og ordinær test på teststasjonane.

Bjørnafjorden kommune har hatt 13 og 11 nye smittetilfelle dei to siste vekene, men ser ikkje grunn til å iverksetja lokale tiltak.