Politi | 22. jan. 2025

Motorsykkel havarerte i tunell

Politiet og vegvesenet har hatt til saman tre kontrollar dei to siste dagane.

Motorsykkel havarerte i tunell
Lyshorntunnelen. Arkivbilde, foto: Nora Flatseth Trippestad / Midtsiden
Kjetil Vasby Bruarøy
Kjetil Vasby Bruarøyonsdag 22. jan. 2025 10:16

Onsdag morgon i 08.30-tida fekk politiet melding frå Vegtrafikksentralen om ein motorsykkel som sto på ei havarilomme i Lyshorntunnelen.

– Det var ein tenåring på ein lett motorsykkel. Han hadde havarert og fekk hjelp til å koma seg ut. MC blei henta av NAF, opplyser politioverbetjent Christine Grindstein.

Tysdag morgon i 08-09-tida hadde UP promillekontroll på Halhjem ferjekai igjen.

24 førarar blei kontrollert utan at utrykningspolitiet fann noko å reagera på.

Statens vegvesen har vore på Svegatjørn kontrollplass både måndag og tysdag kveld.

Måndag blei det skrive ut fem mangellappar.

Same dag blei det skrive gebyr til eit firma som mangla autopassavtale. Selskapet har fått gebyr for same forhold før, så denne gong blei gebyret auka til 16.000 kroner.

Tysdag kveld blei det skrive gebyr på 1000 kroner til to sjåførar for brot på reglande for køyre- og kviletid. I tillegg får selskapa dei to jobbar for kvar sitt gebyr på 2000 kroner.

Eitt køyretøy mangla den årlege godkjenninga av lastebilkran. Der blir det sendt rapport til Arbeidstilsynet.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.