Lokal | 27. feb. 2012

Nesten i mål

Måtte spyle vekk snø for å få støpt. Har utvida parken til 360 kvm. Mangler 70 000 kroner til skatepark på Halhjem.

Nesten i mål
To av skaterane på eit av dei provisoriske elementa då plata endeleg kunne testast 19. februar (privat foto)
Andris Hamremåndag 27. feb. 2012 08:34

Bildeserie:

Binding av jern er gjort på dugnad (privat foto)
Binding av jern er gjort på dugnad (privat foto)
Kvelder og helg er nytta til dugnad for å koma i mål (privat foto)
Kvelder og helg er nytta til dugnad for å koma i mål (privat foto)
Snø og kulde gav utfordringar i høve til å få støypt plata (privat foto)
Snø og kulde gav utfordringar i høve til å få støypt plata (privat foto)
Men søndag 19. februar kunne endeleg plata testas (privat foto)
Men søndag 19. februar kunne endeleg plata testas (privat foto)
til stor glede for dei unge skaterane (privat foto)
til stor glede for dei unge skaterane (privat foto)
1 av 5

Skateparket på Søre Neset, betre kjend som Switch Halhjem skatepark, nærmar seg ferdigstillelse etter ei formidable dugnadsinnsats frå skatere, foreldre og nærmiljøet.

– Ved å bearbeida og utnytte kvar cm av området har vi klart å auke skateparken frå 250 til 360 kvaderatmeter.

– Samstundes har det betydd meir av både penger og dugnadsarbeid, fortel primusmotor Bjørn Madsen til Midsiden.

Smelta snø med varmt vatn

Sidan Midtsiden skreiv om gåva skateparken fekk av den "gamle" skateren Øyvind Løvdok før jul har dugnadarbeidet gått for fullt på Søre Neset.

- Den har vore heilt fantastisk.

- All armeringa er gjort på dugnad. Folk har stilt opp seint og tidleg, på kvardagar og i helgene for å knytte jern slik at vi skulle få støpt plata.

Ein heilt enkle jobb har dei ikkje hatt, dugnadsgjengen, som har trossa snø, regn og vind. Sjølv eit telt og varmekanonar frå Stillasbygg hjalp ikkje då snøen som hadde kom dagane før støypinga skulle fjernast.

- Vi salta og passa varmekanonane heile natta, men kulda hadde sett inn og det hjalp så lite.

- Det var nok mange av oss som var redd at den betongen vi hadde bestilt frå Brødrene Borgen skulle gå til spille og at vi ikkje skulle kome i mål, fortel Madsen om den dramatiske natta før støypinga skulle ta til.

- Heldigvis var det eit smart hove som kom på at Brødrene Borgen òg har varmt vatn, så med betongbiler i skytteltrafikk med varmt vatn og folka frå Transport og Gulvstøp til å spyle vekk snøen kunne vi endeleg gå i gang med støypinga som planlagt. Riktignok nokre timar forseinka.

- Uten den fabelaktige innsatsen frå dei tilsette hos desse to firma hadde vi aldri kome i mål, skryt Madsen.

– Det ruller sykt bra

Søndag 19. februar klokka 14.06 kunne endeleg dei første skaterane la hjula rulle over den nylagte betongplata etter å ha trippa fleire dager medan dei venta på at betongen skulle herda.

- Gleda var stor både hjå ungdommane og foreldra då vi endeleg kunne teste ut flata.

- Det tok ikkje lang tid før dei første provisoriske elementa var på plass og skaterane boltra seg, fortel Madsen.

Medan foreldra løp som gale for å brøyte snø unna jubla skaterane med tilbakemeldingar som "det ruller sykt bra", "seriøst?? Konge!!".

- Smila gjekk heilt rundt, berre stoppa av den obligatoriske hjelmen på hovudet, smilar Madsen.

Treng 70 000 til

Den utvida flata og dei vanskelege vêrtilhøva gjer at ildsjelane ikkje er heilt i mål med finansieringa.

- Dei auka utgiftene gjer at vi manglar omlag 70 000 kroner for å få parken ferdig, så om det er firma eller andre som kan tenka seg å hjelpe oss på vegen blir vi veldig glade.

Skateparken har allereie fått god hjelp for fleire firma i byggebransjen som har gitt gode priser eller stilt mannskap på dugnad for å sikre fjellsida ved siden av parken, planera og støype plata eller få på plass eit gjerde rundt anlegget.

- Eg har berre ei oppmoding til det lokale næringslivet: "Støtt oss i arbeidet for eit positivt oppvekstmiljø", avsluttar Bjørn Madsen.

Switch skateklubb er ein del av Søre Neset IL og tilslutta Norsk Organisasjon For Rullebrett (NOFR).

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.