Kultur | 15. des. 2017
Nissemarsj i Hegglandsdalen
Dei yngste på skulen og dei eldste i barnehagen til skogs etter luciafeiring.
Kjetil Vasby Bruarøyfredag 15. des. 2017 08:23
Bildeserie:
1 av 3
Onsdag blei luciadagen markert i barnehagar og skular rundt om i Os.
I Kolskogen var ungar frå Espira og lagde stemning hos ungdomane på Os vgs, i Hegglandsdalen var det òg samarbeid mellom skule og barnehage.
– Etter luciafeiringa gjekk 4- og 5-åringane våre på tur saman med 1. og 2. klassingane i Hegglandsdalen barneskule, fortel pedagogisk leiar Gry Enoksen.
Nissemarsjen gjekk til Tveitaskogen. På vegen måtte det leitast, for nissen hadde nemleg mista votten sin.
– På vegen fekk dei ulike oppgåver dei måtte løysa. Dei måtte skriva nisserim, synga, laga englar i snøen og balansera.
Premien var nissemedaljar og snop. Og nissen sin vott blei funnen!