NM-håpet ute for Os G16

Etter siger i to rundar blei det stortap for Brann.

Etter siger i to kvalifiseringskampar er cupeventyret ute for Os G16. (Foto: Nicholas F. Bruarøy)
Kjetil Vasby Bruarøy
Kjetil Vasby Bruarøyonsdag 25. aug. 2021 07:42

Os gutar 16 har i sommar kjempa om plass i NM, og tok seg vidare i kretskvalifiseringa ved å slå Nymark 3-0 i juni og Bjarg på straffesparkkonkurranse i førre veke.

Etter andre kvalifiseringsrunde var det 6 av 20 lag i vår krets igjen, og Os spelte tredje runde borte mot Brann måndag.

Brann - Os 5-0 (3-0)

Brann gjekk opp i 4-0 på straffe. Straffen blei tatt av Henrik Johan Berge, som gjekk frå Os tilbake til Brann før 2020-sesongen.

– Vi møtte veldig god motstand, som venta, seier trenar Rune Mo.

Han meiner Os takla både det låge og høge presspelet godt dei første tjue minutta.

– Då skapte vi også sjansar. Men vi var noko stressa med ball i beina.

Os-spelarane fekk til saman tre gule kort, som betyr at det spelte 15 av 80 minutt med ein spelar mindre.

Mo hadde håpa at Os skulle bita litt meir frå seg, resultatmessig, og ser no fram til seriestart heimemot Stord fredag.

Andre resultat i 3. kvalikrunde til NM:
Nordhordland - Gneist 4-5
Fana - Nest-Sotra 6-3
Gneist og Fana skal møtast i 4. runde.
Åsane speler mot Stord søndag, Brann møter vinnar av desse.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.