No opnar julegatene

AMFI tenner lysa torsdag, Os sentrum arrangerer fakkeltog før dei tenner julegata fredag.

Kjetil Vasby Bruarøyonsdag 24. nov. 2010 09:22

Det nærmar seg første sundag i advent, som i år er 28. november, og tenning av lysa på Borgafjellet. Men før dette er det tenning av julelys både på AMFI Os og i Os sentrum.

AMFI Os tenner julelysa torsdag klokka 18. Eit nisseorkester står for musikken medan eit barnekor frå Kuventræ skule syng julesongar.

Nissen kjem og det er stor sjanse for å få seg litt snop for dei yngste.

Fakkeltog og langope
I Os sentrum held dei fram med fakkeltoget som såg dagens lys då Os Turn arrangerte peparkakeby i Visningssenteret i 2008.

Fakkeltoget går frå Visningssenteret klokka 18, stiller du opp litt i forkant kan du låna fakkel og delta i marsjen inn til sentrum.

Grana blir tent klokka 18.30, så kjem nissen, og klokka 19 er det konsert med elevar frå Kongshaug Musikkgymnas.

Os sentrum har langope til klokka 21 denne fakkelfredagen.