Politi | 13. sep. 2022

Nok eit tjuveri frå bedrift

Stal delar til lastebil, er truleg observert på overvakingskamera.

Kjetil Vasby Bruarøy
Kjetil Vasby Bruarøytirsdag 13. sep. 2022 06:04


Måndag i 07-tida blei det oppdaga tjuveri av delar verdt rundt 120.000 kroner frå ei bedrift nord for Os sentrum.

Les ògStal utstyr verdt 120.000 kroner

I dag fortel politiet at dei klokka 12.14 fekk melding om endå eit tjuveri frå bedrift, også det nord for Os sentrum.

– Delar til bedrifta sine lastebilar er stolne frå lokala til verksemda, opplyser politioverbetjent Anne Lyssand.

– Hendinga er moglegvis fanga opp av overvakingskamera. Bedrifta vil melda tjuveriet.

Ung gut tatt for butikktjuveri

Litt før klokka 15 måndag fekk politiet melding frå vakt ved AMFI Os om ein gut som hadde blitt tatt for tjuveri frå ein daglegvarebutikk, som ikkje ville oppgi namnet sitt.

Politiet køyrde ut med ein patrulje. Guten er i ungdomsskulealder, og foreldre blei kontakta. Guten vil bli kalla inn til bekymringssamtale.

Mista hjul i Liafjellstunnelen

Klokka 19.35 måndag kveld fekk politiet melding om ein lastebil som sto i ro på E39 i Liafjellstunnelen.

Det er fartsgrense 80 km/t i tunellen, og meldar sa at den stilleståande lastebilen kom brått på enkelte trafikantar.

Det visteseg at årsaka var at lastebilen hadde mista eit hjul. Politiet rykte ut og bergingsbil blei rekvirert.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.