Ny gjestebrygge neste veke

– Vi gav tilbod både på brygger frå eige firma og på opprusting av betongbryggene som blei brukt som bølgebrytarar, seier Espen Aspenes frå Alutec AS.

Alutec har levert resten av marinaen innanfor den nye moloen på Mobergsneset.

Os Sjøfront, som har levering av dei 20 gjesteplassane som del av avtalen med Os kommune, valte å få nokre av bølgebrytarane restaurert.

– Vi har leigd inn ein ekstern ekspert i John Ove Kyte, som har fiksa fire av bølgebrytarane, så dei blir eigna som brygger.

– Desse skal slepast til Os over helga og vera klare til bruk til neste helg, om alt går etter planen.

15 til 20 gjesteplassar

Os Sjøfront hadde 10 bølgebrytarar, kvar på 12 meter, i rekke som ei forlenging av moloen.

Men bryggene var ikkje eigna til dette og blei taua til Øyane og erstatta av nokre ekstra meter med molo.

Dei fire bryggene som blir brukt til ny gjestebrygge er til saman 48 meter lange. Dei får ikkje utriggarar, men vil likevel gje plass til rundt 15-20 båtar inst i moloen.

Les òg: – Betre for gjestar i Os hamn