Lokal | 16. des. 2014
Ny periode med stengt veg
I førre veke blei delar av arbeidet stoppa av lynnedslag (!), i morgon satsar dei på å få lagt ferdig det nye dekket i Skeisstøa.
Kjetil Vasby Bruarøytysdag 16. des. 2014 14:55
Torsdag i førre veke var eit stykke av Skeisstøa, frå krysset med Lepsøyvegen og inn mot Ravneberghaugen, stengt grunna legging av nytt dekke.
– Dessverre var den eine maskina litt skadd av lynet, men dei fekk kome i gang med arbeidet, fortel Terje Myking frå teknisk drift i Os kommune.
I morgon, onsdag 17. desember, skal arbeidet fullførast.
Vegen blir stengt frå klokka 8 til 17. Omkjøring er via Skeisflaten og Skeisleira.