Nymark fekk seg eit løft
Etter to år utan interesse går bustadsalet no for fullt. I går var det lossing frå seks semitrailerar.
Bildeserie:
Det var eit blikkfang for forbipasserande då seks russiske semitrailerar sto på rekke og rad frå Ulvenskiftet til Nymark tysdag.
Midtsiden-redaksjonen fekk tips om kortesjen, så viste seg å vera leveranse til ein noko brå byggestart.
Mor og dotter Nymark er grunneigarar. Dottera sin sambuar, Bjørn Atle Sundal i MNS Eiendom, står som tiltakshavar.
– Vi har planlagt 30 bustadar, men det gjekk over to år før vi fekk fart på salet og kunne vedta byggestart, fortel Sundal.
– Det er ikkje godt å seia kva som gjorde at interessa mangla, om det var timinga, storleiken eller måten det blei profilert på. Men vi skifta meklar, som gjorde nokre justeringar, og så gjekk det plutseleg fort.
– Skjerma, men sentralt
På under ein månad blei 3 av 4 i første firemannsbustad selt. Den første leilegheita i neste firemannsbustad er òg selt.
– Sidan vi la dette ut rett før ferien, ville vi ikkje spandera noko annonsering utover Finn.no. Det er først i vekene som no kjem at vi vil løfta det ekstra fram, likevel var responsen god med éin gong, seier eigedomsmeklar Arild Vikøyr.
Litt justering på enkelte areal og nye teikningar som betre viser korleis bustadfeltet skal sjå ut når det er ferdig kan ha vore medverkande. Samtidig har Ulvenvegen med tilhøyrande gang- og sykkelveg blitt ferdig.
– Nymark er eit skjerma og roleg område, men veldig sentralt. Med ny gang- og sykkelveg også inn til Nymark er det trygg og fin veg for gange og sykling frå bustadane til barnehagar, Os vgs, Kuventræ, Osbadet og Amfisenteret.
Fekk «drahjelp» av lokal entreprenør
Det er rekkefølgekrav om gang- og sykkelsti til det komande bustadfeltet. Langs delar av same strekk av Ulvenvegen heldt Os kommune samtidig på med nytt leidningsnett ned mot Svegatjørn og ny tunell mot Rådal.
Entreprenør Vestafjell utfører arbeidet, som gav godt fundament for store delar av fortauet familien Nymark måtte bygga.
– Eg ville normalt ikkje spurd ein så stor entreprenør om å ta grunnarbeidet på eit lite felt som mitt, eg trudde dei ville vera kostbare å bruka. Men då dei likevel jobba i området ba eg om pris. Det er eg glad for, prisen var grei og prosessen vidare blei veldig effektiv og ryddig, synest Sundal.
Einebustadar og romslege leilegheiter
Planen no er å få ein byggeprosess der dei første som flyttar inn skal ha mest mogleg ferdig uteareal, at ikkje dei skal føla at dei bur i ei steinrøys fram til dei siste er flytta inn. Bustadfeltet får òg eigen leikeplass og stort friareal.
ABChus står for bygginga.
Det skal seljast og byggast 10 einebustadar og 20 leilegheiter i firemannsbustad i feltet. Leilegheitene har heile tre soverom. Meklar fortel at det til no har vore størst interesse frå, og flest kjøparar, som er småbornsforeldre.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.