midtsiden

Nyopning og gjenopning

I løpet av november blir det både gjenopning av dyrebutikken og opning av ny butikk på AMFI Os.

Av: Kjetil Vasby Bruarøy

Nyleg la damemotebutikken Casual Woman ned i 2. etasje i AMFI Os. Lokalet blei ikkje ståande ledig lenge.

- Milly-Molly-Mandy & Co flyttar frå Os sentrum til oss, og opnar i det 71 kvadratmeter store lokalet allereie no i november, fortel senterleiar Anne Kristine Tøsdal.

- Vi er veldig glad for å få denne butikken som del av vår butikkmiks, med leikar og klede for ungar, gravide og ammande blir butikken med på å gjera oss endå meir attraktiv for småbarnsfamiliar. I tillegg liker eg veldig godt den sterke miljøprofilen, legg ho til.

Ny drivar på dyrebutikken
Dei siste vekene har Tropehagen Zoo vore stengt. Kjeden, som sit på leigekontrakten, har funne ny drivar, og snart er det gjenopning.

- Monica Sagen Jensen, som tidlegare var butikksjef på KID Interiør her i senteret, tar over. Butikken har blitt pussa opp den siste tida, og opnar igjen når vi har nattope torsdag 26. november, fortel Tøsdal.

Når desse to butikkane er i drift står det framleis eitt ledig lokale i senteret, i andre etasje der Wistex heldt til fram til kjeden gjekk konkurs.

Fleire saker