Nytt parkeringshus opnar onsdag ettermiddag
Held opningsseremoni etter lunsj.
I dag er siste innspurt for hovudentreprenør Åsane Byggmesterforretning AS sitt arbeid på parkeringshuset i Os sentrum.
Onsdag klokka 13 er det opningsseremoni.
Ordførar og kommunedirektør skal delta, det skal også nokre elevar frå ungdomsskulen.
Når seremonien er over kan du ta huset i bruk, foreløpig heilt gratis.
Det skal sak opp i kommunestyret 16. desember, først innom formannskapet 2. desember, om reglar for kor lenge du kan stå gratis og kva det skal kosta å stå utover denne tida.
Det vil likevel ta tid før nokon kan krevja pengar av dei som parkerer i Giskavollen, eit eventuelt politisk vedtak vil føra til at prosjektet med handheving skal ut på anbod.
Saka omhandlar både parkeringshuset og andre parkeringsplassar i og nær sentrumskjerna.
Giskavollen Parkering
- Vedtatt i oktober 2020
- Opning: 1. desember 2021
- Hovudentreprenør: Åsane Byggmesterforretning
- Pris: 39 millionar kroner eks mva.
- Parkeringsplassar: 154 under tak, 30 ute over innkøyrslar
- 13 ladepunkt for elbil
- Eigen sykkelinngang og -parkering
- Fotballbane på taket med kunstgrasdekke på 39,4 x 60,67 meter (ein niarbane skal ha 40-50 x 58-60 meter pluss tryggleikssone).
- Kunstgraset er granulatfritt utan innfyll.
- Banen blir framleis Jadakameratene il, som nyleg også har fått bane og klubbhus på Borgafjellet barneskule, sin heimebane.