Opnar igjen - med utvida opningstid

Oseana vil ha meir liv i huset på ettermiddagane.

Oseana stengte 24. desember. No utvidar dei opningstidene. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 14. jan. 2022 15:58

Oseana har vore julestengd frå 24. desember, men opnar med nye tider frå laurdag 15. januar.

Det blir lengre opningstid på ettermiddagar, og huset opnar ein time tidlegare på laurdagar. Slik vil Oseana skapa rom for fleire aktiivtetar mellom anna i foaje, og gjera det lettare for folk å nytta huset også på ettermiddagstid.

– Vi ønskjer at kulturhuset i kommunen skal bli brukt av fleire. Eitt av tiltaka er å opna dørene lengre på ettermiddagane, seier direktør Ole Tobias Lindeberg.

Oseana ser føre seg eit samarbeid med lag og organisasjonar, grupper og andre som vil bidra med lågterskeltilbod gjennom heile året.

– Vi kan for eksempel laga spelekveldar, enkle matkveldar eller ei strikkestund. Tanken er at det ikkje skal kosta for mykje, og det skal vere enkelt. Målet er at vi skal vera relevant for endå fleire grupper i bygda vår.

Dei nye opningstidene inneber at huset har ope lengre på ettermiddagen i vekedagane og opnar ein time tidlegare på laurdagar.

Huset er frå i morgon ope seks dagar i veka, berre måndag er stengt.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.