Oseana er 10 år i dag!

Markeringa? Den skal du få vera med på, men ikkje enno.

Oseana opna med eit brak og eit ambisiøst program - og har halde trøkket oppe. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 17. juni 2021 12:34

17. juni 2011, ein fredag, starta opningsfesten til Oseana, den gong Os kommune sitt nye kulturhus, alt utløyst av Per Grier sr sitt ønskje om å finansiera ei kunstsamling i Os.

Terje Søviknes og Os kommune fekk raskt ambisjonar om å kombinera dette med eit kulturhus, og starta kronerulling under arbeidstittelen OKK, Os kunst- og kultursenter.

Vi feirer med tilbakeblikk på denne videoen, med timelaps av bygginga, som Varde Media lagde til opningsfesten:

– Det er ein stor dag, og den vil vi feira med stort publikum, ikkje åleine på kontoret eller med pandemiredusert gjestemengde, seier Oseana-direktør Ole Tobias Lindeberg.

– Derfor køyrer vi ein Halvdan, seier han, og siktar til Halvdan Sivertsen, som skulle feira 70-årsdagen sin med turné i fjor - og utsette under namnet 70+1.

– Vi vil markera 10-årsdagen vår som 10+1 i 2022, med eit større publikum.

Takksam og stolt

Lindeberg, som har vore direktør sidan 2013, har med seg 11 kollegaer inkludert helgevikarar.

– Vi har ein tilsett per funksjon, program, kunst, marknad, sceneteknisk og drift av huset, og eg synest vi er ein veldig fin gjeng.

Eit kort tilbakeblikk tar han seg også tid til.

– Først og fremst må eg seia at det Per Grieg sr har skapt for Os og Bjørnafjorden er heilt unikt. Få eller ingen andre små kommunar, med unntak av Fosnavåg, får gåver i hundremillionarsklassen til å bygga kulturhus.

Sånn såg Mobergsvikjo og Mobergsneset ut før Oseana blei bygd. (Foto: Kjetil Vasby Bruarøy)

– Når eg ser tilbake så gler det meg å sjå kva Oseana har betydd for så mange. Eg er takksam for den oppslutnaden Oseana har hatt lokalt, og stolt over det vi saman har fått til.

– Kulturen er vanlegvis rundt oss heile tida. Under pandemien har mange av oss sakna ulike delar av den. Det åg vi under sommarprogrammet i fjor, då det var ein liten pandemipause og folk gledde seg stort over å koma på arrangement igjen.

– Når ting no opnar, gler vi oss til å ta imot eit svoltent publikum. Mange av dei har allereie sikra seg billettar til sommarprogrammet vårt.

I dag er det kommunestyremøte i Oseana. I morgon er det nok eit møte, på kvelden er det quiz. Laurdag står John Olav Nilsen & Nordsjøen på scenen, søndag er det Os Musikkforening sin tur.

Under ser du ei samling av raskt utvalte arkivsaker om planlegginga, bygginga, opninga og nokre av høgdepunkta til Oseana fram til i dag:

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.